Fitore me vuajtje e Skënderbeut ndaj skuadrës së Lacit në javën e 5-të të Superiores. Formacioni i Ilir Dajës triumfoi 2-1 në stadiumin e Korcës, ku deri në minutën e 75-të kurbinasit arritën t’u bënin ballë sulmeve të vendasve, me rezultatin që ishte mbërthyer në shifrat 1-1. U desh dalja në sulm e mbrojtësit Bajram Jashanica që Skënderbeu të realizote golin e fitores. Por episodi më i rëndësishëm është ai i minutës së 84-t, me Orges Shehin që i mohoi golin Ansi Nikës nga pika e bardhë e penalltisë.
Korcarët ndoshta e nënvlerësuan Lacin, pasi Ademir, një ish-futbollist i Skënderbeut, shënoi autogol që në minutën e 27-të. Mirëpo në pjesën e dytë Lushkja ktheu baraspeshën në rezultat, duke e futur në tension Skënderbeun, që falë eksperiencës, arriti të shmangte një rezultat surprisë në fushën e tij. Me këtë fitore Skënderbeu shkon në kuotën e 13 pikëve, duke ruajtur diferencën me Kukësin e vendin e dytë.
