Connect with us

Hi, what are you looking for?

Kategoria Superiore

Shehi: Skënderbeut ia dhuruam golat, skuadra është e ngarkuar

Dy javë në pankinën e Kukësit nuk i kanë mjaftuar Orges Shehit që të shijojë fitoren e parë, madje për më tepër, rikthimi në Korçë rezultoi “i hidhur”, pasi skuadra u mposht me rezultatin 2-1 dhe tani e shikon veten plot 9 pikë larg kreut.

Tekniku durrsak, në intervistën e dhënë për “Gol pas Goli” në Supersport, deklaroi se skuadra vuajti gabimet në pasime dhe se tani është në një ngërç psikologjik, nga i cili duhet të dalë sa më shpejt.

Një sfidë e nisur me dy gabime, që më pas nuk arritët t’i rikuperonit…
Falëm topa dhe kjo është për të ardhur keq. U ndëshkuam nga ato nga topat që falëm, pasi ishin gola të evitueshëm, më pas tentuam me të gjitha forcat, por nuk ia dolëm. Sigurisht, meritonim të merrnim pak më shumë, pasi pësuam gola të evitueshëm.

Besoni ende te titulli?
Tani të kthehemi te fitorja. Kur nuk fiton, je në krizë besimi. Tani lojtarët janë të ngarkuar, ndaj objektivi është fitorja e ndeshjes së radhës.

Çfarë mendoni se ndikoi te humbja sot?
Musolli nuk është stërvitur plotësisht, por na u desh ta kishim në fushë, sepse alternativat i kemi të cunguara. Në pjesën e parë, Abazaj nuk ishte në pozicionin natyral. Do të doja të kisha më shumë futbollistë në formacion. Shkurtaj është pika jonë e referimit, ndërsa alternativat janë të pakta.

Gjici tha se pa titullin nuk do të ketë konfirmim tuajin në postin e trajnerit…
Personalisht respektoj deklaratën e tij, pasi presidenti ka të drejtën ekskluzive për këtë vendim. Titulli është akoma objektiv i skuadrës.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...