Edi Basa do të jetë pjesë e Gjilanit. Sulmues kroat, i cili në dy edicionet e fundit luajti me Kukësin do i bashkohet ekipit të Gentian Mezanit. Burime të sigurta për SuperSport bëjnë me dije se 30-vjeçari do të vihet menjëherë nën urdhrat e teknikut vlonjat.
Basa është një lojtar cilësor, teksa në dy sezonet me Kukësin luajti në 74 ndeshje mes kampionatit dhe Kupës, duke shënuar dhe 14 gola. Mezani ka nisur nga puna për të ndërtuar skuadrën, pasi menjëherë pas Kupave të Europës nga Gjilani u largua pjesa më e madhe e lojtarëve.
Lexo edhe:
- Seria A në DigiAlb/ Sezoni i ri me ofertën më të plotë televizive
- Ndeshja e “Play-Off” e Conference League, Struga zyrtarizon stadiumin ku do luajnë ndaj Breidablik
- “Nuk mund ta harrojmë atë”, Pochettino: I Kemi sytë nga Armando Broja!
- Ekskluzive/ Dajan Shehi transferohet në Kosovë, firmos me Gjilanin
Afrimi i investitorëve bëri që gjërat të ndryshojnë dhe me financat e sigurta, Gjilani pritet që dhe në edicionin e ri të jetë pretendent. Skuadra nuk luajti ndeshjen e javës së parë me Fushë Kosovën, pikërisht për shkak të situatës ku ndodhej klubi, por tani që gjërat janë stabilizuar Gjilani pritet të kthehet në fushë që këtë javë.
