Connect with us

Hi, what are you looking for?

Kategoria Superiore

Shënoi 16 gola me Laçin, Partizani dhe Kukësi duelojnë për Reginaldon

Duel në merkato mes Kukësit dhe Partizanit, objekti i dëshirave për të dy klubet që sezonin e ardhshëm synojnë të thyejnë hegjemoninë e Skënderbeut mban emrin e Reginaldo Faife, thjesht Reginaldo. Sezonin e kaluar shënoi 16 gola me Laçin, duke u kthyer në një pikë kyçe në suksesin e skuadrës kurbinase. E lanë pas në listën e golashënuesve vetëm Ali Sowe dhe Sindrit Guri, të dy vitin e ardhshëm nuk do të jenë në Shqipëri, Reginaldo, ndoshta.
Kukësi dhe Partizani e kërkojnë, aftësitë e tij në fushë i kanë bindur se është lojtari i duhur për një skuadër që kërkon titullin, dhe tani 27-vjeçari mund të përfitojë nga ky miniankand virtual për të rritur ndjeshëm vlerën e tij.
Ajo e Reginaldos është një histori e veçantë. Kur erdhi dy vjet më parë te Luftëtari, ishte një emër krejtësisht i panjohur, kontratë njëvjeçare dhe një pagë prej 1.100 dollarësh në muaj, deri diku modeste për një futbollist. Në vitin e parë në Superiore realizoi 8 gola dhe dha 4 asiste, por spikati me aftësitë e tij dhe verën e kaluar, kur ishte i lirë, te Laçi nuk e lanë shansin t’u shpëtonte nga duart. Sërish kontratë njëvjeçare, por tanimë me një pagë prej rreth 2500 eurosh në muaj, më shumë se dyfishi i asaj që fitonte në Gjirokastër.
16 gola në kampionat, duke ndihmuar Laçin të zinte vendin e katërt dhe të shkonte në finalen e Kupës, por mbi të gjitha për të zgjuar interesimin e klubeve të mëdha. Tani Kukësi dhe Partizani e kërkojnë dhe Reginaldo me shumë mundësi do të përfitojë një tjetër dyfishim page. Ajo e tij ngjason me përrallën e dikujt që ka gjetur tokën e premtuar… në Shqipëri.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...