Andre Silva gjithmonë e më shumë protagonist, jo vetëm në La Liga, ku aktivizohet në huazim te Sevilla (kartoni i tij zotërohet nga Milani). Lojtari po konfirmon momentin e tij të mirë edhe me përfaqësuesen Portugeze, ku ndaj Polonisë, në sfidën e Nations League, në minutën e 31-të shënoi golin e barazimit për ekipin e tij. Në një intervistë të fundit, 22-vjeçari u shpreh i lumtur për momentin e tij, teksa theksoi se goli është i rëndësishëm për të gjithë portugezët. Sa i takon të ardhmes së tij, sulmuesi pohoi se është shumë i lumtur te skuadra spanjolle, por kartoni i tij zotërohet nga klubi italian dhe se për momentin ende nuk e di të ardhmen tij.
