Barcelona hedh menjëherë pas krahëve dy barazimet radhazi ndaj Real Sociedad dhe Realit të Madridit në El Clasico. Blaugranat u rikthyen te fitorja në kampionat pasi mposhtën shumë thjeshtë me rezultatin 4-1 në Camp Nou, Deportivo Alaves duke ruajtur kreun e La Ligas në kuotën e 39 pikëve. Shënuan tre fantastikët e sulmit por edhe Arturo Vidal i cili po projekton largimin nga Barça në merkaton e janarit. Antoine Griezmann në minutën e 14-të hapi serinë e golave ndërkohë në sekondat e fundit të pjesës së parë, Arturo Vidal i çoi shifrat në 2-0 me një gol shumë të bukur. Pons me golin e tij në minutën e 56-të u duk sikur riktheu në ndeshje miqtë baskë, por Lionel Messi me një supergol dhe Luis Suarez me një penallti të kthyer në gol, sigluan shifrat përfundimtare në 4-1 dhe bënë që Barcelona ta mbyllte vitin 2019-të me një fitore.
