Eros Grezda gjen golin e parë sezonal me Osijekun në Kroaci, por që nuk mjaftoi për të marrë pikë në sfidën e javës së tretë të kampionatit përballë Dinamos së Zagrebit, që triumfoi thellë 4-1. Sulmuesi shqiptar shënoi golin e barazimit të përkohshëm 1-1 në minutën e 48-të, teksa në fillim të sfidës Dinamo kishte kaluar në epërsi me gol të Gvranocit. Duhet theksuar se në fundin e pjesës së parë Majstorovoc humbi një 11-metërsh për Osijekun.
Vendësit shënuan 3 gola të tjerë në pjesën e dytë me autorë Ademin (shqiptar nga Maqedonia e Veriut), Andricin dhe Tolicin, dy të fundit me penallti.
Goli i Grezdës mund të konsiderohet edhe si mesazh për trajnerin e Shqipërisë, Edy Reja, i cili nuk e përfshiu në listë sulmuesin për dy të ndeshjet e para të Nations League.
