Prishtina “fik” Dritën në “Fadil Vokrri”, duke fituar me rezultatin 1-0 falë golit të Armend Thaçit 8 minuta para përfundimit të kohës së rregullt. Insistimi i kapitenit të bardhekaltërve, që erdhi nga mbrojtja, u shpërblye me një gol shumë të rëndësishëm me vlerë tri pikë, me Prishtinën që u bashkohet grupit të kryesuesve, që rivalizojnë për titullin kampion.
Në fakt, skuadra e drejtuar nga Armend Dallku ishte më insistuese në lojës e saj, por shpërblimi erdhi atëherë kur mendohej se gjithçka do të mbyllej në baraspeshë.
Takimi tjetër i ditës mes Ballkanit dhe Flamurtarit u mbyll me fitoren 3-1 të skuadrës nga Theranda, për të cilën shënuar Baftiu, Magani dhe Topalli, ndërsa goli i Ganchov në fundin e sfidës i vlejti vetëm për statistike ekipit kuqezi.