Videoja e sherrit mes trajnerit të Torinos, Ivan Juriç dhe drejtorit sportiv, Davide Vagnati bëri me shpejtësi xhiron e botës, duke ofruar një imazh qesharak të dy njerëzve të rëndësishëm të klubit granata, përplasja e të cilëve kishte si shkak merkaton.
I pari që ka reaguar pas publikimit të videos, ka qenë Vagnati, që duke folur për Sky Sport, deklaroi se në fund është përqafuar me Juriç dhe ky sherr është një pikënisje e re për të bërë një sezon sa më të mirë.
“Ka qenë një debat jo i bukur për t’u parë, por kir dy njerëz bëjnë me sinqeritet dhe pasion punën e tyre, ndodh edhe kështu. Trajneri dëshiron sa më shpejt përforcimet dhe unë e shoqëria po përpiqemi të bëjmë më të mirën në një merkato të vështirë. Pas atij sherri, i thamë të gjitha me njëri-tjetrin dhe në fund u përqafuam si dy njerëz të vërtetë. Kjo le të shërbejë si një pikë nisjeje që të bëjmë sa më shpejt e më mirë punët tona. Në diskutim thuhen shumë gjëra, por nuk ka asnjë bazë personale. Gjithçka ndodhi pasi të dy duam më të mirën për Torinon”, u shpreh Vagnati.
VIDEO/ “Ti bën një m…”, trajneri dhe drejtori i klubit italian sherr për merkaton!
