Në një lidhje direkt me SportNews, Naim Dani, shefi i sigurisë, deklaroi gjatë bisedës me gazetartin e SuperSport, Jurgen Zela, se janë shitur të gjithë biletat e ndeshjes Shqipëri-Moldavi.
Që do të zhvillohet sonte në mbrëmje në “Air Albania” (20:45) dhe që do të transmetohet në SuperSport 2.
“Biletaria është mbyllur. Këtë radhë është një risi e veçantë, sepse ka funksionuar shumë mirë sistemi online i blerjes së biletave. Për këtë i falënderojmë të gjithë spektatorët tanë dhe sportdashësit.
Bëjmë një kërkesë të veçantë për sot. Meqë çdo gjë deri tani, në masat organizative në bashkëpunim me delegatët dhe vëzhguesit e UEFA-s, me të gjithë operatorët që merren me organizimin e ndeshjes, me FSHF-në, me policinë e shtetit, me security, të gjithë masat janë marrë.
Lexo edhe:
- Kërkohej nga Milan e PSG, sulmuesi i Chelsea-t nis bisedimet me Al-Nassr
- Walker mendon largimin nga City, Bayern e pret krahëhapur
- Dzeko preferon Fenerbahce para Interit, shpejt takohet me drejtuesit e klubit turk
- Alvaro Morata drejt Arabisë, spanjolli “tundohet” nga superoferta
Një gjë e fundit e fundit ka ngelur: një sjellje qytetare e sportdashësve dhe çdo gjë ta mbyllim me sukses. Dhe të mbështesim Kombëtaren tonë.
Tifozët? Normalisht, nga ana e FSHF-së dhe sektori i sigurisë, janë marrë të gjithë kontaktet e nevojshme me të gjithë tifogrupet.
Kuptohet, në vend të parë është tifogrupi Tifozat Kuq e Zi (TKZ), që deri tani ka një bashkëpunim tepër kuptimplotë, dhe është e gatshme të ndihmojë kombëtaren shqiptare për mbarëvajtjen e ndeshjes.
Kemi edhe 2-3 grupime të tjera, janë në masa të vogla. Sipas vendeve që kanë kërkuar, nga ana e FSHF-së ka qenë një dëshirë e plotë për të realizuar dëshirën e tyre. Deri tani çdo gjë është në funksionalitet të plotë“, deklaroi Dani.
