Klubi i Prishtinës dhe agjencia e marketingut “Lidra” kanë arritur marrëveshje njëvjeçare për shpërndarjen dhe shitjen e biletave për ndeshjet e skuadrës kryeqytetase. Marrëveshja hy në fuqi që për ndeshjen e radhës në IPKO Superligën e Kosovës.
Biletat për ndeshjen me Llapin (3 euro: Lindje dhe Veri për tifozët mysafirë; 5 euro në Perëndim, 15 VIP), dalin në shitje në ditën e ndeshjes nga ora 13:00 në katër pika të caktuara, si para zyrave të klubit (tribuna jugore), sheshi “Zahir Pajaziti”, para pallatit të sporteve dhe pranë Ambasadës së Kroacisë.