Fitore me përmbysje e Tottenhamit ndaj Aston Villas, në sfidën e fundit të kësaj të shtune në Premier League. Skuadra e Pochettinos përtej shifrave 3-1, vuajti jo pak në “Tottenham Hotspur Stadium”, ku blerja e re Ndombele dhe Harry Kane me dygolësh e bënë të pavlefshëm rrjetën e McGinn që në minutën e 9-të.
Pjesa e parë u mbyll me epërsinë minimale të Aston Villas, por Pochettino regoi shumë shpejt duke hedhur në fushë Eriksenin, që i dha tjetër impuls lojës së londinezëve.
Ndombele tregoi vlerat e tij, duke barazuar në minutën e 73-të, ndërsa për të kaluar në avantazh Totenham mendoi Harry Kane në minutat 86’ dhe 90’.
Tottenhami e nis me këmbë të mbarë Premier League-n, ashtu sikurse Liverpooli dhe Manchester City, që nuk gabuan në sfidat e tyre debutuese në kampionat.
