Richarlison pritet të jetë një nga emrat më të përfolur gjatë verës dhe do të jetë shumë e vështirë që braziliani të qëndrojë tek Evertoni edhe sezonin tjetër. Menaxheri i 22-vjeçarit, Renato Velasco, pranoi se Interi, PSG dhe Atletico Madridi janë interesuar për shërbimet e lojtarit, që këtë sezon ka shënuar 14 gola në 38 ndeshje, ndërsa është bërë edhe pjesë e kombëtares së Brazilit.
Velasco sqaroi se do të jetë e vështirë të negociohet me Evertonin, pasi klubi e vlerëson lojtarin jo më pak se 100 milionë euro, ndërkohë që një vit më pare e bleu nga Watfordi për 50 milionë.