Sezoni pozitiv me Leipzig dhe sidomos paraqitjet e tij të mira me Suedinë në Botërorin e Rusisë kanë shtuar pretendentët për Emil Forsberg. Atletico Madrid, Arsenal prej kohësh janë në gjurmët e 26-vjeçarit por tani është Everton që ka hyrë në garë me një ofertë prej 30 milionë euro që do të kënaqte edhe pretendimet e Leipzig. Aktualisht Forsberg përfiton 3.2 milionë euro në vit dhe vetëm për një rritje deri në 5 milionë euro mund të pranonte kalimin te Everton që gjithsesi vijon bisedimet me klubin gjerman dhe njëkohësisht me agjentin e sulmuesit anësor që luan edhe si mesfushor, për të arritur një marrëveshje.