Gjykimi në sfidën Kukësi-Teuta 4-0, la për të dëshiruar, pasi vendimet e kryesorit dhe mosreagimi i anësorit ndikuan direkt në dy prej golave të verilindorëve, gjithsesi, trajneri i “Djemve të Detit”, Bledi Shkëmbi, nuk dëshiron ta justifikojë disfatën me vendimet e trupës gjykuese.
“Nxjerrjen e sulmuesit nga loja e bëra sepse isha i pakënaqur me lojën e tij, nuk bëri detyrat si duhej. E pyeta arbitrin: “si është rregulli kur topi kap kokën pastaj shkon te dora, a quhet penallti? Kaq, nuk ka problem. Arbitri i katërt m’u përgjigj se nëse topi kap kokën e lojtarit nuk quhet penallti. Çfarë të them? Janë gjëra që duken.”
Arbitrat: Për të qenë i sinqertë, nuk merrem me arbitrat dhe nuk do të merrem asnjëherë. Po them diçka, më vjen keq për lojtarët, kishim mungesa nuk na duhej ky dygolëshi i parë kaq i shpejtë. Kishim dhe ne problemet tona.
Problemet te Teuta: Nuk është problemi te dy penalltitë, por tek ne. Në pjesën e parë ishte Lorenc Vila që mund të shënonte ballë për ballë me portierin. Meritë ka dhe Kukësi, që ka një ekip me shumë cilësi.”