Ka nisur zyrtarisht aventura numer 2 e Tefik Osmanit me Teutën. Mbrojtësi u kthye në epiqëndrën e merkatos, disa klube të Superiores tentuan të përfitonin shërbimet e tij, por në fund ai zgjodhi të rikthehej tek “Djemtë e Detit”. Korçari zhvilloi seancën e parë stervitore nën drejtimin e ish shokut të skuadrës Bledi Shkëmbit. Tekniku i durrsakëve i cili ishte njeriu kyç që e bëri Osmanin të zgjidhte Teutën nuk ka se si të mos vlerësojë aftësitë dhe përvojën e 33-vjeçarit.
Megjithatë Teuta nuk është vetëm Osmani dhe grupi i lojtarëve ka punuar intensisvisht për të qënë gati në startin e edicionit.
Skuadra duket e plotësuar, gjithsesi nëse radari sinjalizon një element ne vlera atëherë do të ndërhyhet sërish në merkato.
Objektivi është zona e lartë e renditjes, për Shkëmbin, Teuta duhet të rikthehet në Kupat e Europës.
