Shkëndija e Tetovës shfaqet ambicioze në këtë fazë përgatitore para eksperiencës europiane në Champions League. Kuqezinjtë tetovarë fituan bindshëm 3-1 në miqësore me Vorskla Polltavën, ish-skuadrën e ish-futbollistëve të Kombëtares Shqiptare Debatik Curri, Armend Dallku dhe Ahmed Jonuzi.
Trajneri Qatip Osmani preferoi nga minuta e parë këtë formacion: Zahov, Bejtullai, Musliu, Adili, Murati, Alimi, Taipi, Emini, Radeski, Junior dhe Shefiti.
Pjesa e parë u mbyll me epërsinë e Shkëndijës, falë golit të Izair Eminit në minutën e 39-të.
Fraksioni i dytë nisi me gol për skuadrën ukrainase, që barazoi shifrat në të 57-ën, por reagimi i kuqezinjve ishte i menjëhershëm, me Muratin që riktheu epërsinë e skuadrës së tij në të 64-ën, para se Zejnullai, i aktivizuar në pjesën e dytë, të realizonte golin e fundit të miqësores për rezultatin përfundimtar 3-1.
Ky ishte testi i tretë pozitiv i Shkëndijës së Tetovës në fazën përgatitore. Pasi e nisi me një barazim 1-1 me Domzhalen, fitoi 3-1 me Osijekun, për të marrë fitoren e radhës me të njëjtin rezultat me Vorskla Polltavën.
Me miqësoren me Vorsklan, Shkëndija mbylli edhe fazën përgatitore në Rogashka Sllatina të Sllovenisë dhe kthehet në Tetovë, për t’u dhënë dorën e fundit përgatitjeve përpara angazhimit në turin e parë kualifikues të Champions. Më datë 10 korrik, kuqezinjtë do të luajnë ndeshjen e parë përballë rivalëve të Neë Saints nga Uellsi, me takimin që do të në Shkup.