Shkëndija e Tetovës vijon fazën përgatitore dimërore në Tetovë, ku stafi teknik po u kushton vëmendje më të madhe akumulimit të forcës fizike, para se në fazën e dytë të hidhet vëmendja te ndërtimi i lojës për vazhdimin e kampionatit.
Për këtë arsye, stafi teknik në bashkëpunim me kryesinë ka përcaktuar kalendarin e përballjeve kontrolluese që do të zhvillohen në kuadër të fazës së dytë përgatitore në Antalia të Turqisë, prej 23 janar deri më 8 shkurt.
Kuqezinjtë fillimisht do të matin forcat me FC Sered të Sllovakisë më 26 janar, ndërsa në fund të muajit (30 janar) do të përballet me MKF Karvina të Çekisës. Më 4 dhe 7 shkurt janë programuar të zhvillohen ndeshjet testuese me Randers Fc të Danimarkës dhe Slovan Liberec të Sllovakisë.
Miqësoret e Shkëndijës:
Shkëndija – FC Sered (Sllovaki) 26/01/2020
Shkëndija – MFK Karvina (Çeki) 30/01/2020
Shkëndija – Randers FC (Danimarkë) 04/02/2020
Shkëndija – Slovan Liberec ( Çeki) 07/02/2020