2020-ta e Shkëndijës së Tetovës nisi me këmbën e mbarë. Skuadra e Ernest Gjokës fitoi 1-2 me përmbysje në fushën e Akademija Pandev dhe ruajti vendin e dytë në kampionatin e Maqedonisë së Veriut. Golat e Armend Alimit dhe Agimi Ibraimit me penallti përmbysën avantazhin provizor të vendasve me Shkëndijën që falë këtij suksesi u ngjit në kuotën e 31 pikëve, 8 më pak se Vardari që kryeson renditjen. Përsa i përket skuadrave të tjera shqiptare që luajnë në elitën e futbollit të Maqedonisë së Veriut, Shkupi mposhti 2-0 Borec, Renova humbi në shtëpi me Sileks 0-1, ndërkohë që Struga Trim&Lum u thye në shtëpi nga Rabotnicki 0-1.
