Mbrojtësi i Shkëndijës, Mevlan Murati do të bashkohet me Renovën në formë huazimi. Ky lajm është bërë publik nga vetë klubi që ka në posedim kartonin e tij, në një njoftim në faqen zyrtare.
Klubi maqedonas shkruan se lojtari do të jetë pjesë e Renovës deri në përfundim të këtij sezoni, ndërsa më tej i uron suksese mbrojtësit të djathtë.
“Mevlan Murati huazohet te Renova. KF Shkëndija njofton se ka arritur marrëveshje me KF Renovën për huazimin e mbrojtësit të djathtë, Mevlan Murati. Murati do të luajë në formën e huazimit te KF Renova deri në përfundim të këtij sezoni garues. KF Shkëndija i uron Mevlanit shëndet dhe shumë suksese!”-njofton Shkëndija.
Shqiptari i Tetovës është bashkuar me Shkëndijën në vitin 2014, ndërsa më 30 qershor të këtij viti kontrata e tij përfundon. Më parë ai ka luajtur edhe në Shqipëri me ekipin e Partizanit.
[quiz-cat id=”297386″]