Shkëndija njofton se ka arritur marrëveshje me portierin Davor Taleski, i cili ka nënshkruar kontratë me kohëzgjatje tre vjet.
27-vjeçari vjen nga ekipi i Struga Trim&Lum, me të cilën gjatë sezonit të kaluar regjistroi gjithsej 32 paraqitje, 30 në kampionat dhe 2 në Kupë.
“Jam i lumtur që gjendem në Tetovë dhe që jam pjesë e Shkëndijës. Dëshira e secilit portier nga kampionati vendor është që një ditë të luajë për Shkëndijën. Për mua është një sfidë e madhe, duke marrë parasysh që Shkëndija çdo vit merr pjesë në garat evropiane. Do të jetë një mundësi e madhe për mua që të tregoj të gjitha cilësitë e mia. Falënderoj drejtuesit e klubit për vlerësimin dhe që mundësuan ardhjen time në Tetovë. Premtoj se fanellës së Shkëndijës do t’i përkushtohem maksimalisht”, – u shpreh Taleski gjatë nënshkrimit të kontratës.