Pas dy barazimeve radhazi, Shkëndija e Tetovës është rikthyer te fitorja, pasi mposhti me rezultatin minimal 1-0 Pelisterin pasditen e sotme. Kuqezinjtë vuajtën jo pak në marrjen e tre pikëve, teksa golin e vetëm e gjetën në minutën e 88’, me anë të sulmuesit Valmit Nafiu.
Me këto tre pikë, skuadra e drejtuar nga Ernest Gjoka blindon pozitat në krye të renditjes me 50 pikë, e ndjekur nga Shkupi me 43 pikë, ndërsa edhe këta të fundit bënë detyrën pasditen e sotme, duke fituar 2-0 ndaj Vardarit.
Skuadra shqiptare e kryeqytetit të Maqedonisë së Veriut ishte dominuese në derbin ndaj asaj maqedonase dhe arriti të shënojë dy herë me anë të ish sulmuesit të Laçit, Reginaldo dhe ish mbrojtësit të Vllaznisë, Filip Gligorov.