10 pikë diferencë me Shkëndijën në 8 javë të mbetura kampionat, konsdierohen shumë për Shkupin që duket se është dorëzuar në garën për titull dhe për shkak të rezultateve jo të mira në javët e fundit që kulmuan me humbjen në shtëpi ndaj Renovës në këtë fundjavë, trajneri turk Hasan Ozer ka dhënë dorëheqjen, dorëheqjen që është pranuar nga drejtuesit e klubit shqiptar që luan në Maqedoninë e Veriut, siç njofton vetë Shkupi.
NJOFTIMI – Java e 25-të e Ligës së Parë të Maqedonisë së Veriut, për ekipin tonë solli rezultat negativ ne duelin kundër Renovës, ku pësuam disfatë me rezultat 1-2. Kjo ka bërë që shkaku i rezultateve të dobëta, trajneri i deritanishëm Hasan Ozer të jep dorëheqje, duke e lënë ekipin në pozitën e dytë me dhjetë pikë negativë ndaj kreut të tabelës. Kryesia dhe futbollistët falënderojnë për kontributin e dhënë gjatë kësaj periudhë të trajnerit Ozer, duke i uruar suksese në karrierë. Kryesia e klubit tani më është vënë në kërkim të një trajneri të ri që do të udhëheq me klubin në vazhdim të kampionatit, ku në kombinim janë disa trajner, ndërsa emri i tij do të mësohet gjatë ditëve në vazhdim.