Shkupi mori një fitore të madhe në javën e 24-të të Maqedonisë së Veriut teksa mposhti në transfertë me shifrat 0-6, ndaj Pobedas. Miqtë dominuan tërësisht sfidën, sidomos në pjesën e dytë aty ku shënuan pesë gola duke u shfaqur të papërmbajtshëm teksa bien në sy dygolëshat e Adetunji dhe Cephas.
Lexo edhe:
- Kërcënohen arbitrat, shtyhet ndeshja e Superiores
- VIDEO/ Vjen nga stoli dhe shënon eurogol, Vrioni feston në MLS
- Arbitra polakë për AEK-Aris, zbarkojnë të dehur në Athinë!
- VIDEO/ Muriqi rikthehet te goli pas pesë ndeshjeve, Mallorca gjen barazimin
Pas këtij rezultati, Shkupi ngjitet në kuotën e 45 pikëve në vend të dytë, pesë më pak se kryesuesit e Strugës. Këta të fundit nuk shkuan më shumë se barazimi 1-1 në trasfertë ndaj Skopjes. Të besuarit e trajnerit Shpëtim Duro vuajtën edhe terrenin e vështirë në fushën e Skopjes, madje klubi i Strugës doli në një deklaratë në lidhje me fushën.
Reagimi i Strugës:
Sa i takon ndeshjes, ishin miqtë që kaluan të parët në avantazh me anë të Ibraimit në minutën e 15-të ndërsa tre minuta nga fundi, Skopje barazoi me anë të Moussinga. Pas këtij barazimi, Struga mbetet në vendin e parë me 50 pikë ndërsa Skopje mbetet në vendin e 10-të me 18 pikë. Në ndeshjet e tjera, Bregalnica mposhti me rezultatin 2-1 Makedonija GP, Akademija Pandev barazoi 0-0 me Rabotnickin dhe Tikves barazoi 0-0 me Sileksin.