Connect with us

Hi, what are you looking for?

Champions League

Shkupi me ëndrra të mëdha, Sedloski dhe Sheji kanë një mesazh për tifozët

Shkupi para një misioni historik në raundin e dytë të Champions League. Mbrëmjen e së martës, në arenën “Todor Proeski”, në Shkup, do të përballet me Dinamon Zagrebin. Skuadra nga Çairi në ndeshjen e parë të zhvilluar në “Maksimir” mori një rezultat shumë të kënaqshëm (2-2), mirëpo trajneri Goce Sedloski thotë se futbollistët e tij nuk duhet të mashtrohen me këtë rezultat, pasi edhe në Shkup pritet një ndeshje shumë e vështirë.

“Pas asaj ndeshjeje që e luajtëm në Zagreb dhe rezultatit pozitiv që morëm, nesër na pret një sfidë e vështirë. Nuk duhet të mashtrohemi nga barazimi që morëm në Maksimir. Gjatë gjithë javës në stërvitje në kemi dhënë maksimumin dhe jemi të gatshëm për ndeshjen e nesërme”.

Sedloski, megjithatë, beson te fitorja dhe kualifikimi historik i skuadrës së tij.

“Unë besoj në një fitore dhe kualifikim historik, por për ta realizuar atë na duhet mbështetja e publikut dhe tifozëve tanë, të cilët janë lojtari ynë i dymbëdhjetë”.

Për këtë sfidë foli në konferencë për shtypin edhe Blerton Sheji, i cili përkundër rezultatit të favorshëm, thotë se skuadra e Dinamos është favorite sërish, mirëpo kur  Shkupi ka përkrahjen e “Shvercerave”, atëherë nuk njeh kundërshtarë.

“Sa i përket ndeshjes së nesërme, sigurisht që Dinamo ngelet favorite, por me mbështetjen e “Shvercerave” ne mund të përballemi me çdo kundërshtar. Jemi përgatitur maksimalisht, nuk do të lejojmë të ndodhë ndonjë lëshim, sepse në ndeshje të tilla çdo lëshim kushton shumë shtrenjtë”.

Ndeshja e kthimit midis Shkupit dhe Dinamos së Zagrebit do të nisë në orën 21:00 dhe do të transmetohet nga SuperSport.

Lajme të tjera

Kosovë

Aventurë e re për Arijanet Muric, portierin titullar të përfaqësueses së Kosovës. 25-vjeçari dardan do të jetë pjesë e Ipswichit në katër sezonet e...

Ligue 1

Joao Nevesit do të jetë goditja e madhe e PSG-së në mesfushë. Talenti portugez kërkohet me ngulm nga trajneri Luis Enrique. 19-vjeçari është pjesë...

La Liga

Pedri, ishte mungesa e madhe e Spanjës në ndeshjet më të rëndësishme të Euro 2024, me mesfushorin që u dëmtua pas një përplasje të...

Angli

Manchester United vazhdon të jetë aktiv në merkato dhe pas zyrtarizmit të sulmuesit Joshua Zirkzee, tashmë fokusi kryesor është kthyer në repartin e mbrojtjes....