Sulmuesi anglez Wayne Rooney është dënuar me 100 orë punë të papaguar në shërbim të komunitetit, për shkak se u gjet duke drejtuar makinën i dehur, nën shoqërinë e një modeleje. Mediat angleze raportojnë se Rooney është ngarkuar të lyejë stolat e një parku, pak metra larg vilës së tij, ndërsa janë publikuar edhe fotot e para të sulmuesit, duke shkuar të shlyejë dënimin e gjykatës.
Krahas punës së papaguar, ndalimi I Rooney, me modelen në makinë, I solli sulmuesit të Everton edhe mjaft komplikime në marrëdhënien me bashkëshorten e tij. Kjo e fundit arriti deri aty sa I kërkoi Rooney-t të heqë dorë nga futbolli, për t’iu përkushtuar familjes.
