Basketboll

Short i vështirë për Sigal Prishtinën në Basketball Champions League

Short shumë i vështirë për Sigal Prishtinen në Basketball Champions League. Shorti i hedhur të merkuren në shtepinë e basketbollit në Mies te Zvicrës, skuadrën bardhekalter nga  Kosova e ka vënë përballë skuadres holandeze Donar Gronigen ndaj të cilës do të luaj dy ndeshje me sistem vajtje ardhje në rrethin e parë kualifikues .7 here kampion i Holandes,3 herë rresht ne 3 sezonet fundit,si dhe 6 here fitues i Kupës shtetërore,Donar Groningen është skuader dominuese në Holandë gjatë viteve  të fundit dhe si e tillë konsiderohet kundershtar shumë i vështirë për kryeqytetasit.Sezonin e kaluar kjo skuader luajti majde ne gjysmëfinale të FIBA Europe Cup,garë në të cilën Sigal Prishtina ishte eliminuar në fazën e parë grupore.Ndeshjen e parë kundër Groningen,Prishtina do ta luaj si vendase ne “Pallatin e Rinisë dhe sporteve “ më 20 shtator,kurse ndeshja e kthimit ne Holandë,luhet pas dy diteve ,më 22 shtator.Në rast te kualifikimit tutje,ne rrethin e dytë skuadra jone mund të përballet me fituesin e ndeshjes Fribourg –Avtodor,ndërsa suksesi eventual ne rrethin e dytë,do ta vinte përballë skuadres turke Sakarya nga Turqia në rrethin e tretë kualifikues.Ne Basketball Champions League sivjet marrin pjesë 56 klube te ndryshme nga 28 shtete ,me 30 prej tyre që fillojnë garat nga rrethi i parë kualifikues dhe 26 të tjera që nisin direkt sezonin nga faza grupore.Për të marrë pjesë në fazën grupore,ku do të vendosej ne grupin B,Sigal Prishtina duhet të kualifikohet nga 3 raundet kualifikuese,të cilat thënë realisht duken tepër të vështira për t’u kaluar.Skuadra më e sukseshme e basketbollit mbarëshqiptar pritet të organizohet në ditët në vazhdim duke emëruar trajnerin për sezonin e ardhshëm dhe duke filluar përforcimet me basketbollistë.

 

 

To Top