Short i pamëshirshëm për Milanin në fazën e 1/8-ave të Europa League. Eric Abidal, personazhi i njohur i futbollit i zgjedhur për të tërhequr goglat nuk u solli fat kuqezinjve, përkundrazi u vuri përballë Arsenalin. Një finale e parakohshme, mes dy skuadrave që e kërkojnë me ngul këtë trofe për të siguruar pjesëmarrjen në Champions sezonin e ardhshëm. Çifti i parë që u zbulua ishte Lazio – Dinamo Kiev, me bardhekaltrit që kanë shanse të mira për të vijuar më tej. Leipzigu peshkoi Zenitin, ndërsa Atletico Madridit, një tjetër pretendente serioze do të ketë përballë Lokomotivën e Moskës. CSKA Moskës do të ketë përballë Lyonin, që shpreson ta nrejë trofenë në stadiumin e tij, ndërsa një çift mjaft interesant është Marseille – Bilbao. Skuadra më me fat ishte Sportingu i Lisbonës, që luan ndaj Viktoria Plzen, por edhe Borussia e Dortmundit duhet të buzëqeshë, pasi shmangu në fund Milanin dhe Arsenalin, duke peshkuar Salsburgun. Ndeshjet e kësaj faze do të luhen më 8 dhe 15 mars, ndërsa oraret mbeten për t’u përcaktuar.
Shorti 1/8-ave,
Lazio – Dinamo Kiev
Leipzig – Zenit
At. Madrid – Lok. e Moskës
CSKA e Moskës – Lyon
Marseille – Ath. Bilbao
Sporting – Viktoria Plzen
Borussia Dortmund – Salzburg
Milan – Arsenal