Ditën e sotme në ambientet e Federatës Shqiptare të Futbollit u hodh shorti për gjysmëfinalet e Kupës së Shqipërisë. Goglat përcaktuan çiftet Tirana-Teuta dhe Vllaznia-Egnatia. Në një pronocim për mediat drejtori sportiv i shkodranëve, Vioresin Sinani dhe presidenti i rrogozhinasve, Agim Demrozi shpalosën objektivin për të shkuar në finale.
Sinani- “Vllaznia do zhvillojë ndeshje të mira me Egnatian dhe do të shkojë në finale. Shpresoj që të jetë momenti i duhur për Vllazninë të kualifikohet me Egnatian dhe të dalë në finale me njërën prej fituese të çiftit tjetër. Egnatia ka një ekip me lojtarë mjaft të mirë, por jam i bindur që kësaj radhe është radha jonë”.
Lexo edhe:
- Zbulohen dokumentat, Abramovich financonte një tjetër klub gjatë pronësisë te Chelsea
- Jo vetëm Ancelotti, Ronaldo sugjeron edhe një tjetër legjendë për Brazilin
- “Te Chelsea më quajnë gomar”, Havertz: Nuk mërzitëm, është kafshë speciale!
- Messi nuk ka dyshime për të ardhmen, rinovon me PSG dhe luan Botërorin në Amerikë
Demrozi- “Jam i kënaqur me shortin. Por edhe po të na binin ekipe të tjera, ju tashmë e keni pare që Egnatia është një ekip i fortë. Do të bëjmë maksimumin që të arrijmë finalen e Kupës”.
Kujtojmë se ndeshjet e para të Kupës së Shqipërisë luhen më datë 26 prill ndërsa to të kthimit më datë 11 maj, me finalen që është përcaktuar të zhvillohet më datë 1 qershor.
