Stiven Shpendi është një ndër lojtarët më të kërkuar në merkato. Sulmuesi i talentuar shqiptar, bëri shumë mirë gjatë sezonit të fundit me Cesenan në Serie C. Duke shënuar 12 gola.
Disa klube të Serie A dhe Serie B, mes tyre dhe Juventusi, janë të interesuar për shërbimet e 20-vjeçarit pukjan, i cili luan edhe me Shqipërinë U21.
Bashkë me vëllanë e tij binjak, Cristian Shpendi. Të dy aktivizohen si sulmues dhe janë shokë skuadre te Cesena, dhe skuadra e drejtuar nga Alban Bushi.
Lexo edhe:
- “E pësuam nga gjysmë raste”, Shehi: Serioz dëmtimi i Selmanit
- Ballkani “prepotent”, shkatërron 1-4 Larnen, humbje e thellë e Dukagjinit
- VIDEO/ Dëshira e Tiranës nuk mjafton, Besiktasi fiton edhe në “Air Albania”
- VIDEO/ Çfarë mëkati, Drita e pëson “in extremis” me penallti, eliminohet nga Viktoria Plzen
Empoli qëndron në “pole” për të siguruar shërbimet e Stiven Shpendit, por garës i është bashkuar edhe Pisa në Serie B. Klub që ka ambicie të mëdha dhe synon rikthimin në elitën e futbollit italian.
Shtypi italian raportoi se drejtuesit e Pisës, skuadër që ka emëruar Alberto Aquilanin si trajner, kanë ofruar më shumë për kartonin e Shpendit (2.5 mln euro + bonuse).
Por futbollisti kërkon të luajë në Serie A dhe ka shtyrë drejtuesit e Cesenas të pranojnë ofertën e Empolit. Me toskanët që propozojnë 2 mln euro për bardhezinjtë, duke u lënë edhe 30% të kartonit.
Ndërkohë, drejtori sportiv i Pisës, Stefano Stefanelli sqaroi situatën në lidhje me goleadorin e talentuar shqiptar.
“Ai është një lojtar që na intereson dhe sigurisht që nuk do të jetë një negociatë e lehtë, për shumë arsye. Situata është shumë komplekse.
Por, ne jemi vigjilentë. Të shohim nëse do të arrijmë ta sjellim Shpendin te Pisa”, theksoi drejtuesi i klubit zikaltër.
