Connect with us

Hi, what are you looking for?

La Liga

Shpërthen Asllani: Te Reali na trajtojnë si produkte, jo si njerëz

Kosovare Asllani sulmon Realin e Madridit. Sulmuesja suedeze (me origjinë nga Kosova), kontrata e së cilës me ekipin e kryeqytetit spanjoll përfundon më 30 qershor (zyrtarizoi largimin muajin e kaluar), ka folur me një gjuhë të fortë ndaj klubit mbretëror:

“Është bërë një mjedis shumë i pashëndetshëm dhe i rrezikshëm për femrat. Është e vështirë të hysh në detaje, por ka të bëjë shumë me një kulturë të dëmshme për futbollistet. Mes shumë gjërash, pothuajse jam detyruar të luaj e dëmtuar dhe nuk kam marrë ndihmë”, – deklaron ajo për Sportbladet, nga grumbullimi i përfaqësueses suedeze në kuadër të përgatitjeve për kampionatin Europian, që do të zhvillohet në Angli.

Asllani ngre zërin, sepse, sipas saj, askush nuk e ka bërë deri më tani, dhe si një lojtare e rëndësishme në historinë e ekipit të bardhë e ndjen për detyrë ta bëjë këtë:

“Mendoj se kam bërë shumë për klubin. Kam kuptuar se ndër vite që nuk i kanë trajtuar mirë lojtaret. Është e rëndësishme që të flasësh, sepse askush tjetër nuk e ka bërë dhe kështu mund të ndryshojnë gjërat. Jam përpjekur ta bëj që në momentin e parë që isha në klub”.

Dhe pikërisht Asllani këmbëngul se nuk ka qenë e vetmja e dëmtuar nga ai trajtim:

“Ka presion të vazhdueshëm për të luajtur e dëmtuar apo e sëmurë. Nuk është një mjedis i shëndetshëm. Më intereson shumë klubi, por mendoj se është në duar të gabuara. Na shohin si produkte dhe jo si njerëz.”

Asllani mbërriti në verën e vitit 2019 në Madrid dhe këtë verë pritet t’i bashkohet Milanit:

“Kam pasur shumë opsione, nga disa vende të ndryshme. Kam arritur diçka që më duket zgjedhje e mirë”, – thotë një futbollistja, që ende nuk e ka zyrtarizuar të ardhmen e saj.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...