Tenisti italian Fabio Fognini i dha lamtumirën turneut të Wimbledonit pasditen e sotme, pasi u mposht me rezultatin 3-0 nga amerikani Sandgren, por përtej eliminimit, u bë protagonist me një shpërthim ndaj organizatorëve.
Fognini nuk e kishte miratuar aspak vendimin e organizatorëve, që sfida mes tij dhe Sandgren të luhej në fushën numër 14 dhe në një moment shërbimi, nuk u përmbajt, duke mallkuar ata që kishin vendosur kështu.
“A është e drejtë të luhet këtu? Anglezë të mallkuar… shiko. Të mallkuar. Shpërtheftë një bombë në këtë fushë. Një bombë duhet të shpërthejë këtu”, tha italiani, ndërsa fjalët e tij u përkthyen menjëherë në anglisht dhe bënë xhiron e botës.
Të shumta ishin kritikat ndaj Fogninit, i cili nga ana tjetër reagoi nëpërmjet një postimi, duke u kërkuar ndjesë njerëzve që mund të jenë prekur nga fjalët e tij.
Fabio Fognini, down two sets to Sandgren, is NOT happy that #Wimbledon put him on Court 14.
"A bomb should explode here." pic.twitter.com/EBnLwGHOPP
— Ben Rothenberg (@BenRothenberg) July 6, 2019