Leipzigu tregon “dhëmbët” që në ndeshjen e parë të këtij sezoni në Bundesligë, duke fituar thellë 0-4 në fushën e skuadrës së sapongjitur në elitën e futbollit gjerman, Union Berlin.
Një 90-minutësh i dominuar totalisht nga skuadra e drejtuar nga Nagelsmann, e cila praktikisht e siguroi fitoren që në pjesën e parë, të cilën e mbylli në epërsi të trefishtë.
Halstenberg realizoi që në minutën e 16-të, i shërbyer nga Sabitzer dhe vetëm 15 minuta më vonë të dy protagonistët e golit të parë ndërruan rolet, me Halstenberg që shërbeu për Sabitzer për golin e 2-0.
Pak para se të mbyllej fraksioni i parë, Timo Werner realizoi të tretin për Leipzigun. Union Berlini nuk pati forca për të reaguar në pjesën e dytë, madje i ndëshkua me golin e katërt, që u realizua nga Nkunku.