Kategoria Superiore

Shpëtim Duro: Nuk u dha penallti në favor të Bicajt!

Për trajnerin e Flamurtarit Shpëtim Duro barazimi 1-1 në “Loro Borici” ndaj Vllaznisë është një rezultat i pranueshëm. Sipas tij, vendimet e gjyqtarëve në shumë raste lanë për të dëshiruar.

“Ishte një ndeshje në transferttë dhe përballë Vllaznisë, skuadër me lojtarë cilësorë. Jam i kënaqur me një pikë, por ndjej keqardhje sepse mund të fitonim. Arbitrimi lë për të dëshiruar. Treguam karakter, dominuam, por edhe duhet të kishim shënuar. Arbitrimi tendecioz na i vështirësoi gjërat. Në pjesën e dytë nuk rrezikuam, e kishim situatën ne kontroll”.

Duro ka dyshimet e tij për rastet e diskutueshme, sidomos për një 11-metërsh të padhënë ndaj Bicajt

“Penalltia ishte dyshimtë, por ndaj Bicajt ishte një penallti e padhënë për ne. Kishim disa raste shënimi, por kundërshtari mori terren por pa rrezikshmëri. Alves bëri një ndeshje shumë të mirë. Unë do ta ndërroj sa herë që ai nuk bën paraqitje të mira. Nuk ka thënë asgjë kundër meje.”

To Top