Shqipëria e 20-vjecarëve pësoi një humbje të thellë me shifrat 3-0 nga Gjeorgjia vendase në sfidën miqësore që u zhvillua në Gjeorgji. Kuqezinjtë e Alban Bushit u ndëshkuan nga një gol i shpejtë që në minutën e 9-të, ndërsa në fundin e pjesës së parë kishin rastin ideal për të barazuar shifrat por ish lojtari i Skënderbeut aktualisht pjesë e Lille në Francë, Agim Zeka shpërdoroi një penallti. Në pjesën e dytë ndeshja u dominua nga vendasit që shënuan edhe dy gola të tjerë për rezultatin përfundimtar 3-0.
