Connect with us

Hi, what are you looking for?

Femrat

Shqipëria U19 për vajza/ Coka dhe Kodra: Synojmë ngjitjen në Ligën A

Pas publikimit të listës nga trajneri Kreshnik Krepi, Kombëtarja shqiptare U19 për vajza ka nisur grumbullimin në kuadër të ndeshjeve kualifikuese të Kampionatit Europian 2024. Vajzat kuqezi, prej të dielës po zhvillojnë seancat stërvitore në ambientet e “Shtëpisë së Futbollit”. Ndërsa ditën e nesërme do të udhëtojnë drejt Zvicrës.

Në këtë grumbullim, trajneri Krepi ka ftuar 20 futbolliste. 17 prej tyre aktivizohen në kampionatin shqiptar. Jehona Coka dhe Arlinda Kodra, dy vajzat e Vllaznisë, tregojnë për fshf.org objektivat e ekipit Kombëtar U19. Coka shprehet se brenda ekipi ka elemente cilësore dhe atmosfera është shumë e mirë.

Atmosfera në grup është shumë pozitive. Vajzat e reja që janë bashkuar me ekipit këtë vit janë përshtatur shumë mirë me grupin. Gjithashtu edhe seleksionimet triditore përpara grumbullimit na ndihmuan që të lidheshim sa më shumë me njëra-tjetrën. Dhe të njihnim akoma më mirë cilësitë e njëra-tjetrës në fushë.

Lexo edhe:

Në këtë grup ka elemente shumë cilësore. Dhe vajza që premtojnë shumë për të ardhmen”, shprehet Coka, e cila tregon edhe objektivat në këtë grumbullim dhe synimin për të ardhmen.

Shpresoj që edhe në këtë grumbullim secila të shpalosi cilësitë e saj më të mira. Dhe të ndihmojmë ekipin për të arritur kualifikimin në Ligën A. Objektivi i ekipit tonë është ngjitja në Ligën A. Jemi në grup me Qipron, Lituaninë dhe Zvicrën. Janë kundërshtarë të kalueshëm për ne.

Nuk dua të bëj premtime të parakohshme, por me këtë grup që kemi shpresoj të marrim rezultate pozitive. Shpresoj ta ndihmoj sa më shumë ekipin në këto tri ndeshje, dhe të vazhdojë rrugëtimin tim drejt ekipit A”, përfundon Jehona Coka.

Arlinda Kodra, vajza kuqezi që luan në kampionatin shqiptar me ekipin e Vllaznisë, tregon se përgatitjet po shkojnë shumë mirë. Përsa i përket objektivave, ajo shprehet se synimi kryesor është arritja e tri fitoreve, për të siguruar ngjitjen në Ligën A.

Atmosfera është shumë e mirë, jemi duke u përgatitur për tri ndeshjet që na presin. Duhet të japim më të mirën dhe të marrim 3 fitore. Ka cilësi brenda grupit, por duhet të punojmë sa më shumë për të arritur sukses dhe për të kaluar te Kombëtarja e madhe.

Objektivi është që të marrim fitoret dhe të ngjitemi në Ligën A. Të paraqitemi sa më mirë dhe të përballemi denjësisht”, shprehet Kodra, e cila më tej tregon edhe objektivat në aspektin personal.

Objektivi në aspektin personal është që të paraqitem sa më mirë dhe të japë maksimumin në këto tri ndeshje, të cilat do të na shërbejnë edhe për vazhdimësinë. Dua të arrij sa më lart dhe të bëjë paraqitje sa më të mira si në ekipin ku luaj, Vllazninë po ashtu edhe me ekipin Kombëtar. Më pas të shohim se çfarë do të na rezervojë e ardhmja”.

Lajme të tjera

Serie A

Aventura e Walter Mazzarrit te Napoli mundtë quhet e përfunduar. Barazimi mes vuajtjesh ndaj Genoas në fundjavë ka bërë që De Laurentiis të humbë...

Kategoria Superiore

Kukësi ndryshoi për të katërtën herë trajnerin, kur deri më tani janë zhvilluar vetëm 24 javë.Verilindorët e nisën sezonin me Rraman Hallaçin, e vijuan...

Champions League

Hakan Calhanoglu ka dhënë një intervistë interesante, gjatë së cilës “harron” për disa momente modestinë. Gjithsesi, 30-vjeçari meriton çdo lëvdatë, pasi është ai truri...

Kategoria Superiore

Erbim Fagu do të jetë trajneri i ri i Tiranës. Pas largoi Julian Ahmatajn, presidenti Refik Halili ka marrë vendimin për t’i besuar stolin...