Është zhvilluar sot në stadiumin “Fadil Vokrri” të Prishtinës, miqësorja e dytë mes Kosovës U19 dhe Shqipërisë U19, takim që erdhi vetëm dy ditë pas atij të zhvilluar në Drenas, që u fitua 1-3 nga kuqezinjtë.
Edhe sfida e sotme foli në favor të djelmoshave të drejtuar nga Nevil Dede, që arritën të triumfojnë me rezultatin e thellë 4-1, duke shënuar nga dy gola për çdo pjesë.
Ashtu si në ndeshjen e parë, edhe sot golat për kuqezinjtë u shënuan nga sulmuesi i Tiranës Muçi dhe ai i Chelseat, Broja, nga dy herë secili, ndërsa Kosova gjeti golin e nderit me Bytyçin.