Lista e Kombëtares shqiptare U-21 për dy ndeshjet kualifikuese të Euro 2023 ndaj Republikës Çeke dhe Anglisë, ka pësuar sërish ndryshime.
Departamenti i Komunikimit në FSHF bën me dije se mesfushori Arinaldo Rrapaj ka pësuar një dëmtim dhe pas konsultave me stafin mjekësor nuk do të japë kontributin e tij në ndeshjen e dytë ndaj Anglisë.
20-vjeçari i Partizanit nuk është i gatshëm për duelin ndaj “Tre Luanëve” dhe trajneri Alban Bushi ka vendosur të thërrasë në ekip mesfushorin e Bylisit, Flamur Ruci, i cili i është bashkuar menjëherë ekipit.
Kuqezinjtë do të zhvillojnë ndeshjen e dytë ndaj Anglisë më 29 mars në stadiumin “Elbasan Arena”, në ora 20:45, teksa vazhdojnë grumbullimin në qytetin e Durrësit dhe përgatitjet për këtë ndeshje.
[quiz-cat id=”297576″]