Lajm i mirë për Kosovën para ndeshjes së Nations League me Maltën. FIFA i ka aprovimin për aktivizimin e portierit Arijanet Muriqi me “Dardanët”.
Këtë e ka konfirmuar menaxheri i përfaqësueses së Kosovës, Bajram Shala.
Ditë më parë leje për të luajtur për Kosovën kishin marrë edhe qendërmbrojtësi Mirlind Kryeziu dhe sulmuesi Shkëlqim Demhasaj.
Muriqi, 19-vjeçar, është pjesë e Manchester City-t, ndërsa më parë kishte veshur fanellën e Malit të Zi për U-21.
Dy ndeshjet e radhës Kosova i luan ndaj Maltës dhe Azerbajxhanit në Ligën e Kombeve.
