Connect with us

Hi, what are you looking for?

Ligue 1

Shtyhet me 15 ditë shitja e klubit të Bordeaux

Procesi i shitjes së klubit Bordeaux, në Ligue 1, te “General American Capital Partners”, i parashikuar për t’u mbyllur këtë të martë, shtyhet me 15 ditë.

Grupi francez “M6”, që është në zotërim të këtij klubi që nga viti 1999, pritej që të nënshkruante akordin për kalimin e pronësisë në një takim në Paris, për vlerën e 75 milionë eurove, por ky transaksion nuk u mbyll dhe, sipas presidentit të Bordeaux, Stephane Martin, shkak u bënë disa probleme administrative.

Shefi ekzekutiv i “M6”, Nicolas de Tavernost theksoi se, pavarësisht shtyrjes, shitja e klubit nga Ligue 1 nuk është aspak në rrezik. Pengesa e fundit në këtë proces ishte vota e Këshillit Bashkiak të Bordeaux, që u dha në mbledhjen e zhvilluar më 12 tetor.

Akordi për shitjen e Bordeaux tek investitorët amerikanë u arrit 2 vite pas shitjes së Marseilles, që u ble nga manjati amerikan i pasurive të patundshme, Frank McCourt, ish-pronari i skuadrës së Los Angeles Dodgers.

Bordeaux është një prej klubeve më të suksesshme franceze, që ka fituar 6 herë titullin kampion në Ligue 1. Në sezonin aktual, Bordeaux është në vendin e tetë të klasifikimit në kampionatin francez, me 14 pikë të grumbulluara pas 10 ndeshjeve.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...