Connect with us

Hi, what are you looking for?

Futboll

Shulku falënderon vullnetarët e finales: Jeni thesari ynë. Dyert e FSHF gjithmonë të hapura për ju!

Finalja e Conference League që u zhvillua në Tiranë më 25 maj ishte një nga eventet më madhështore që ka pritur dhe organizuar vendi ynë. Një ngjarje mjaft e veçantë dhe më e madhja futbollistike që e vendosi Shqipërinë në qendër të Europës dhe botës, duke e promovuar në mënyrë fantastike vendin tonë, teksa mijëra tifozë nga Italia e Holanda vizituan vendin tonë në datat 24-25 maj.

Në kuadër të këtij eventi, Federata Shqiptare e Futbollit siguroi pjesëmarrjen e rreth 400 vullnetarëve, të cilët u angazhuan në mbarëvajtjen e këtij aktiviteti, duke mbuluar dhe asistuar në pozicione të ndryshme, që nga siguria, media dhe akreditimi, venue logistic etj, si dhe duke organizuar ceremoninë hapëse të finales.

Një pjesë e vullnetarëve të ishin të pranishëm në këtë sfidë, vizituan sot ambientet e Shtëpisë së Futbollit, ku u pritën nga Sekretari i Përgjithshëm i FSHF-së, Ilir Shulku, i cili duke i falënderuar për të gjithë angazhimin e tyre në këtë finale, u shpreh se dyert e FSHF-së janë gjithmonë të hapura për ta.

Më poshtë edhe fjala e plotë e Sekretarit të Përgjithshëm Ilir Shulku:

Të dashur çuna dhe goca,
Dua t’ju falenderoj me gjithë zemër në emër të Federatës Shqiptare të Futbollit për angazhimin tuaj të jashtëzakonshëm në finalen e madhe të Tiranës.
Ishte një aktivitet shumë i madh për Shqipërinë dhe një reklamë e madhe për vendin tonë. Gjithçka shkoi në mënyrë perfekte dhe ju luajtët një rol të madh në të gjitha proceset e një nga ngjarjeve më të mëdha që kanë ndodhur në vendin tonë.
Shpresoj shumë ta keni shijuar këtë eksperiencë dhe dëshiroj t’ju konfirmoj se për FSHF-në ju jeni një thesar i rëndësishëm dhe dyert e saj janë të hapura çdo kohë për ju.
Suksese dhe mbarësi!

Lajme të tjera

Legjionarët

Mirlind Daku është kthyer në një nga lojtarët më të rëndësishëm të Rubin Kazan. Sulmuesi kuqezi u transferua gjatë verës tek skuadra ruse ku...

Spanjë

Xavi Hernandez do të largohet nga Barcelona në përfundim të këtij sezoni dhe tashmë presidenti Laporta është duke menduar për zëvendësuesin e trajnerit. Sipas...

Angli

Trajneri i Brighton, Roberto De Zerbi flet për të ardhmen e tij, e cila është një nga temat më të nxehta të ditëve të...

La Liga

Valencia ndal Realin e Madridit në “Mestalla” në një barazim 2-2, ku protagonisti kryesor i ndeshjes bëhet gjyqtari Gil Manzano. Po luhej minuta e...