Kalimi te Paris Saint-Germian verën e kaluar nuk rezultoi siç pritej nga Sergio Ramos. Dëmtimi që kishte marrë e pengoi spanjollin që të luante dhe të tregonte formën e tij në Ligue 1.
Megjithatë tashmë duket se e ardhmja e mbrojtësit është larg Francës, me LA Galaxy nga kampionati amerikan i MLS, që duket i interesuar për të.
Ramos ka luajtur në vetëm 5 ndeshje që nga kalimi te PSG, pra në rreth shtatë muaj, dhe ai konsiderohet si një dështim te parizienët.
Megjithatë “Foot Mercato” raportoi të hënën se klubi amerikan Los Angeles Galaxy është duke e ndjekur me vëmendje Sergio Ramos dhe madje ka nisur tashmë kontaktet me përfaqësuesit e mbrojtësit spanjoll, i cili ka kontratë deri në qershor të 2023-shit me PSG-në.
Mbetet për t’u parë nëse një largim përtej Atlantikut do të jetë i mundshëm në fund të sezonit për ish-lojtarin e Real Madridit.
[quiz-cat id=”297576″]