Antonio Conte e përjetoi keq barazimin 3-3 që Tottenham regjistroi në fushën e Southampton. Edhe pse ishin në avantazh të dyfishtë, Spurs nuk ia dolën të menaxhonin minutat e fundit dhe u mjaftuan me një pikë.
“Problemi është se ne kemi treguar që nuk jemi ekip. Shoh lojtarë egoistë në fushë, që nuk duan të ndihmojnë veten, që nuk luajnë me zemër. Ata janë mësuar prej kohësh me këtë sjellje.
Klubi ka përgjegjësi për merkaton. Trajnerët vijnë këtu dhe sigurisht që kanë përgjegjësi. Po lojtarët? Lojtarët, ku janë lojtarët? Ata nuk duan të luajnë nën presion.
Ata nuk duan të luajnë nën stres. Historia e Tottenhamit është kjo, në 20 vjet nuk ka fituar asgjë. Pse? E ka fajin klubi apo të gjithë trajnerët që vijnë? Deri tani jam munduar ta fsheh situatën”, shpërtheu trajneri italian.
53-vjeçarit i përfundon kontrata me klubin anglez në fundin e sezonit. Mes palëve nuk është arritur akordi për rinovimin. Në lidhje me deklaratat pas sfidës ndaj “Shenjtorëve” ka reaguar Jamie Carragher.
Legjenda e Liverpoolit nuk u përmbajt aspak ndaj Contes. “Ai dëshiron të shkarkohet gjatë kësaj periudhe pushimi për shkak të ndeshjeve të Kombëtareve. Tottenham duhet ta marrë që sonte këtë vendim.
LEXO EDHE:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- “Çfarë problemi keni me rezultatin 1-0”, Xavi para El Clasicos: Nuk e ndryshojmë stilin!
- VIDEO/ Sylvinho e bën me krahë, Jasir Asani realizon tripletë
Është e drejtë ajo që thotë se Spurs nuk fitojnë prej vitesh, por nuk mund të flasësh në këtë mënyrë për klubin tënd. Sidomos kur përfiton atë pagë që përfiton.
Arsenali u rendit poshtë Tottenhamit sezonin e kaluar. Rritja e Arsenalit këtë sezon, i shkatërron plotësisht shumë prej argumenteve të Contes”, deklaroi ish-mbrojtësi anglez.
