Connect with us

Hi, what are you looking for?

Kategoria Superiore

Sigurimi i Europës, pastaj merkatoja, Partizani s’duhet të bëjë gabimet e së shkuarës

Kastrioti në shtëpi dhe pastaj Laçi në transfertë. Partizani në sprintin final për Europën, nga dera kryesore, vendi i tretë pa patur nevojë për të parë verdiktin e finales së Kupës. Për ta ruajtur, të kuqve u duhen 4 pikë në dy ndeshjet e fundit të këtij kampionati, pa parë rezultatet e ndjekësve, Vllaznisë dhe Kukësit, ndaj të cilit kanë bilanc pozitiv në përballjet direkte dhe është i favorizuar në rast se përfundojnë kampionatin me pikë të barabarta.

Një objektiv që, në fillim të këtij viti, dukej thuajse i pamundur për të kuqtë, që kanë rikuperuar terren në klasifikim dhe tani janë në “pole position” për të siguruar pjesëmarrjen në Conference League. Një arritje për prestigjin sportiv dhe të ardhmen, duke qenë se garanton të ardhura të rëndësishme për vazhdimësinë.

Nën drejtimin e Dritan Mehmetit skuadra ka treguar se ka brumin për të bërë diçka të madhe sezonin që vjen, dhe vetë tekniku pranon se ekzistojnë bazat për një projekt fitues, natyrshëm në bashkëpunim me hallkat drejtuese të klubit, ku zërat e merkatos nuk kanë munguar, duke nisur nga mundësia e largimit të Stenio Junior, një rinovim i mbetur pezull me kapitenin Alban Hoxha apo dhe interesimi për ish-sulmuesin e Shkëndijës së Tetovës, Besart Ibrahimi.

Megjithatë, historia e afërt duhet të shërbejë edhe në këtë drejtim si një mësim, sa herë që revolucioni i kuq ka qenë masiv, Partizani ka hasur vështirësi. Si në fillim të këtij sezoni, kur ishin ndryshimet e shumta që kushtëzuan një ecuri poshtë pritshmërive në dy fazat e para. Ndoshta pak elementë por të spikatur për t’iu shtuar një skuadre, ku cilësia nuk mungon, do të ishin receta e duhur për të parë një Partizan në garë për titullin sezonin e ardhshëm.

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...