Atletico e Madridit po vuan për të gjetur mbrojtës krahu për sezonin e ardhshëm, si zëvendësues për Juanfran e Filipe Luis, të cilët prej moshës nuk do të jenë në planet e Simeones.
Trajneri argjentinas pëlqen shumë Alejandro Grimaldo, ish lojtarin e La Masias, që tani po shkëlqen me Benficën dhe vlen të paktë 30 milionë Euro. 23-vjeçari që veç mbrojtjes mund të bëjë edhe sulmuesin e krahut të majtë, ka një kontratë deri në vitin 2021 me portugezët.
Megjithatë në verë do të jetë e vështirë për klubin që ta mbajë. Për kartonin e tij, Atletico e Madridit duhet të matet edhe me Arsenalin në merkato, pasi edhe “topçinjtë” janë gati të bëjnë ofertë të rëndësishme.