Connect with us

Hi, what are you looking for?

Futboll

Sinjale nga Portugalia për Ergys Kaçen

Ergys Kaçe drejt Primeira Liga-s portugeze. Mesfushori i Kombëtares shqiptare duket gjithmonë e më larg PAOK-ut të Selanikut, ndërsa në horizont është shfaqur mundësia e huazimit në elitën e futbollit luzitan. Sipas mediave greke, 24-vjeçari nuk është në planet e trajnerit serb, Stanojević. Këtë e konfirmoi edhe fakti që Kaçe nuk ishte as në stol në sfidën e turit të tretë kualifikues të Europa League ndaj ukrainasve të Olimpik Donetsk.

Pavarësisht sinjaleve pozitive dhe paraqitjeve të mira të mesfushorit gjatë fazës përgatitore, kuqeziu nuk cilësohet mes zgjedhjeve të para të stafit teknik dhe drejtuesit e klubit po punojnë që ta huazojnë në një tjetër skuadër. Deri më tani interesim serioz për shërbimet e Ergys Kaçes ka patur nga ekipi tjetër i Superligës greke, Panionios, por së fundmi në skenë kanë hyrë klube nga Portugalia, të cilat janë mjaft të interesuara për shërbimet e lojtarit.

Huazimi i mesfushorit shtatshkurtër në Gadishullin Iberik është një zgjedhje që preferohet edhe nga drejtuesit e PAOK-ut, të cilët nuk dëshirojnë të përforcojnë skuadrat rivale në kampionat. Kaçe u huazua edhe në fillim të sezonit të kaluar, por aventura e tij në Çeki te Viktoria Plzen ishte e pafatë dhe përfundoi mes polemikave në harkun e pak muajve.

Lajme të tjera

Bundesliga

Bayerni i Mynihut ka gjetur trajnerin e ri. Lajmi i bujshëm vjen nga e përditshmja gjermane “Bild”, e cila raporton se në stolin e...

Legjionarët

Mirlind Daku është kthyer në një nga lojtarët më të rëndësishëm të Rubin Kazan. Sulmuesi kuqezi u transferua gjatë verës tek skuadra ruse ku...

Itali

Klubi i Inter bën me dije se Hakan Calhanoglu, regjizori titullar i mesfushës së trajnerit Simone Inzaghi, vuan një mbingarkesë muskulore në kofshën e...

Bundesliga

Julian Nagelsmann mund të rikthehet te Bajerni i Mynihut. Trajneri aktual i Gjermanisë ka kontratë me Federatën deri në korrik, kur do të vlerësohet...