David De Gea ka kaluar momentin e vështirë. Portieri spanjoll është rikthyer në formën e ditëve më të mira dhe po ndihmon Manchester United të marrë rezultate pozitive me pritjet e tij.
31-vjeçari ka kontratë deri më 2023 me “Djajtë e Kuq” dhe përfiton rreth 15 milionë euro në sezon, duke qenë një nga lojtarët më të paguar në Premier League.
“Gardiani” ka rifituar postin e titullarit tek United dhe në prononcimin e dhënë për faqen e UEFA-s ka dhënë sinjale rinovimi. Të njëjtën dëshirë ka edhe klubi anglez, që së shpejti do të takohet me agjentin Jorge Mendes.
“Tani ndihem sikur jam nga Manchesteri, sinqerisht nuk e shoh veten larg Manchester United. Shtëpia jote është aty ku të duan dhe të mirëpresin.
U bënë shumë vite që ndodhem këtu, shpresoj të vazhdoj të jem pjesë e United edhe për shumë vite të tjera”, deklaroi De Gea, i cili mbron portën e United prej vitit 2011.
[quiz-cat id=”288388″]
