Robin Gosens ishte një “raketë” tek Atalanta. Gjermani vraponte pafund, shënonte dhe dhuronte asiste. Në janarin e vitit të kaluar u transferua tek Interi, por aventura zikaltër nuk po shkon ashtu siç e kishte dëshiruar.
“Unë nuk isha ai që Interi shpresonte të të blinte”, deklaroi 28-vjeçari në një prononcim për shtypin gjerman. Gosens ka humbur edhe Kombëtaren, por beson se do të rikthehet sërish pjesë e Gjermanisë.
Lexo edhe:
- Nga Messi te Skriniar, kontratat e yjeve të futbollit që skadojnë në verë
- “Blindohet” Napoli, Italia në alarm për huliganët anglez
- Nisin eliminatoret e EURO 2024, ndeshjet që mund të ndiqni në “SuperSport”
- Flet trajneri: Prenga një bishë, synon të pushtojë botën
“Më duhet të rifitoj postin tim te kombëtarja gjermane, pasi absolutisht që dua të marr pjesë në Euro 2024. Nuk ia dola të luaja në Botërorin e Katarit. Ishte pika më e ulët e karrierës sime”.
Anësori i majtë komenton edhe dëmtimet e shumta që ka pësuar. “Jam një lojtar që jetoj me fizikun tim dhe nuk ia dola të rikthehem në formë për një kohë të gjatë.
Arrija vonë në duelet ndaj kundërshtarëve. Shkaktoja faull ose nuk ia dilja të rikuperoja topin. Gabim transferimi tek Interi? Absolutisht jo, unë luaj në një nga klubet më të mëdha në Europë”, theksoi Gosens.
