Franck Kessie duket gjithnjë e më larg Milanit. Pavarësisht uljes në stol të Stefano Piolit, situata e mesfushorit nga Bregu i Fildishtë pritet të mos ndryshojë dhe ndoshta që në janar ai mund të largohet nga kuqezinjtë.
Për ish-lojtarin e Atalantës vazhdon të ketë interes nga Premier League me Wolverhampton që vijon të monitorojë situatën e tij. Shitja e Kessie mund të sjellë të ardhura të konsiderueshme për Milanin, që para pak ditësh publikoi edhe bilancin vjetor, i cili shënonte humbje prej 146 mln eurosh.
Me shitjen e mesfushorit këto bilance mund të rregullohen disi, por gjithashtu do t’i jepte mundësi klubit të mbante në skuadër yje si Donnarumma, Romagnoli apo Suso