Lokomotiva e Moskës refuzoi të blejë kartonin e mesfushorit portugez Joao Mario nga Interi, ndërsa futbollisit tani ndodhet me pushime, por në pritje për të mësuar të ardhmen e tij, që është e sigurt se do jetë larg Milanos.
Kjo pasi portugezi nuk bën më pjesë në planet e Contes dhe për këtë arsye Interi po mundohet t’i gjejë një tjetër sistemim, ndërsa së fundi në garë janë shtuar disa skuadra spanjolle, që kanë nisur kontaktet me zikaltrit.
Më e interesuara duket Betis, me trajnerin Maurizio Pellegrini që ka kërkuar portugezin si një nga lojtarët bazë të projektit të tij të ri me klubin, ndërsa Interi do të ishte gati të hiqte dorë për një shifër prej 15 milionë eurosh.
Edhe Celta Vigo e Olympique Marseille kanë kërkuar informacione për Joao Marion, por asnjëra prej këtyre të dyjave nuk është gati të paguajë për kartonin e tij, pasi e kanë kërkuar në huazim.
Vetë futbollisti, në një intervistë të dhënë disa ditë më parë për mediat portugeze pati deklaruar se preferon një transferim në kampionatin spanjoll, në ndonjë skuadër që t’i garantojë minuta në fushë, pasi nuk dëshiron të humbë Europianin e ardhshëm.
